СВР Тетово информира дека во рамките на бројните превентивни, контролни и други активности за поголем сообраќаен ред и безбедност кои овој месец секојдневно се преземаат на подрачјето на тетовската полиција вчера (6 јули) од 11 до 15 часот спроведена е акциска контрола на возила кои вршат јавен превоз на патници.
Во контролата биле откриени и санкционирани 5 технички неисправни возила (ТЕ-2 и ГВ-3).Три од нив (ТЕ-2 и ГВ-1) имале нeисправни сопирачки, а 2 ГВ) неисправни светлосни уреди.Технички неисправните возила веднаш се исклучени од сообраќај, додека на возачите изготвени им се соодветни поднесоци.
Покрај ова, санкционирани се и 5 возила (ТЕ-3 и ГВ-2) кои не ги поседувале потребните документи и против кои ќе следат поднесоци по член 284-а од Кривичниот законик. Во контролата, исто така, санкционирани се и 27 други видови сообраќајни прекршоци (ТЕ-15 и ГВ-12).
Секторот за внатрешни работи Тетово со апел до сопствениците на возилата и посебно до оние кои вршат јавен првоз редовно да ја проверуваат техничката исправност и да не ја доведуваат во ризик нивната и безбедноста на патниците и другите учесници во сообраќајот.
-Ова, дотолку повеќе што деновиве на тетовско-гостиварското подрачје значително зголемена е вкупната сообраќајна динамика, пред се низ градските улици во Тетово и Гостивар, но и на автопатот Гостивар-Тетово-Скопје и околните регионални патишта. Се апелира, исто така, возачите да ја прилагодат брзината според посточеките знаци и прописи, да не седнуваат зад волан недоволно одморени, под дејство на алкохол или без возачка дозвола.Зашто, претстојат интензивни контролни активности на подрачјето, кои секојдневно ќе ги реализираат полициските службници на СВР Тетово, информира Марјан Јосифоски, портпарол на СВР Тетово.
