Со поставување импровизирани макети од полицајци пред училиштата во Тетово млади активисти алармираа на проблемите околу движењето на учениците до образованите установи. Тие потенцираат дека нема обележани пешачки премини, нема доволна безбедност поради непостоење на соодветни пешачки зони и поради паркирањето возила на тротоари.
-Слабото обележување на пешачките премини во училишните зони и паркирањето на тротоар или пешачки премини го попречува движењето на децата и ги насочува децата да се движат кон улицата и коловозот. На тој начин всушност директно се загрозува безбедноста на децата во сообраќајот. Исто така, неправилното паркирање ги прави децата невидливи помеѓу возилата и нивното преминување на улица го прави крајно опасно, велат од нформалната група активисти „Тивка револуција”(Арт активизам)
Импровизираните полицајци, со пораката “Јас сум полицаецот кој се грижи за безбедноста на децата на патот“ се поставени пред сите основни училишта во Тетово.
А.С
