Пратеничката од редовите на Алијансата на Албанците, Арта Точи на денешната прес конференција истакна дека нејзината партија го поддржува штрајкот на просветните работници. Точи побара одговорност од ДУИ за состојбите во образованието.
-Бројот на наставници во Македонија во основните училишта во учебната 2018/2019 беше 16.290 и имајќи го во предвид и бројот на наставници во средните училишта треба да имаме во предви дека ова е најголемиот сектор со вработени во Република Северна Македонија. Позицијата на наставниците знаеме каква е и секоја школска година сноси нови штрајкови на наставниците, единствениот механизам со кој наставниците можат да се служат, истакна Точи.
Пратеничката побара одговорност од партиите на власт за состојбите во образованието.
-Одговорноста за оваа позиција на наставниците треба да ја сноси ДУИ кои го водат ова министерство од 2002 година. Од таа година единствените измени се направени во именувањата на министрите но нема измени во позицијата на наставниците во земјата.Наставниците имаат најниски плати во регионот. Само за пример Албанија со 477 евра за наставник и Косово со 459 евра и Македонија останува со просечна плата од 365 за наставник. Му сугерираме на министерот наместо покачување на платите од 1000 денари за наставник да ги хармонизира платите со земјите од регионот, истака Арта Точи.
Таа посочи деа како политичка партија со доаѓање на власт ќе се залагаат да се стави наставникот во позиција која ја заслужува.
