Алијансата за Албанците во соопштение до јавноста порача дека почетокот на работа на новото училиште во Тетово претставува измама од Општина Тетово градоначалничката Теута Арифи и ДУИ како партија. Сметаат дека не се завршени сите потребни работи и прашуваат дали има направено технички прием на објектот.
-Вчера импровизираа отворање на ова училиште со само една училница, злоупотребувајќи група на деца за да ја измамат јавноста и измамувајќи дека училиштето е завршено за една година. Вистината е сосема поинаква, многу поболна и посрамна. Училиштето не се отвора ниту оваа година, а медиумите ќе можат да го потврдат тоа секој ден. Учениците на Мала Речица и оваа година изгледа како ќе посетуваат настава во централното училиште „Наим Фрашери“ кое е оддалечено неколку километри, училниците сеуште не се систематизирани, додека последните информации отвораат многу дилеми. За сето ова сакаме јавно да ја прашаме локалната и централната власт, дали е извршено техничкото предавање на училишната зграда и дали се завршени сите работи и инсталации во училиштето, се вели во соопштението до јавноста на Алијанса за Албанците.
