Тетовскиот огранок на Алијансата на Албанците преку прес конференција упати обвинувања за општина Тетово и Владата дека правеле злоупотреба на средствата на Норвешката Влада за расчитување на старата тетовска депонија за кои денес извршија теренска посета. Според Алтрим Мамути претседател на огранокот во Тетово, отпадот од Фалише не се носи во Дрисла.
-За жал нашите информации зборуваат дека отпадоците завршуваат во дупки кои се отвараат во полошките полиња, за да се избегне плаќањето во депонијата Дрисла. Со овој чин од една страна се злоупотребуваат средствата, а од друга страна се загадува животната околина. Нашите информации кажуваат дека Владата на Норвешка побарала од нашата Влада, по конкретно од нашиот премиер и од секретарот на Владата и од министерот за животна средина да ги инспектира работите на терен. За жал досега немаат превземено ништо до сега во оваа насока, изјави на прес конференција Мамути.
Тој истакна дека Норвешката Влада започнала истрага.
-Ние имаме информации дека проектот за чистење на одводните води во село Фалише, а кој проект се подржува од Норвешката влада е 3 милиони евра. Проектот се организира од УНОПС-Норвешка и сега освен набљудувачите од Норвешка имаме и комисија составена од 5 члена кои го истражуваат овој проект. Нивната грижа се одобрените 3 милиона евра во горенаведената локација се за отстранување на отпадоците кои треба да завршат во депонијата Дрисла, рече Мамути.
Од општина Тетово соопштија дека сите информации околу проектот се веќе објавени на настанот на кој беше присутен и прв секретар на амбасадата на Норвешка.
Александар Самарџиев
