Атлетичарот Ардиан Шабани (23) од Тетово, член на Специјална олимпијада Македонија и клубот „Актив лајф“ е добитник на признание од претседателот Стево Пендаровски „УспешниМлади“ посветено на талентираните млади луѓе.
Ардиан во март 2019 на светски специјални олимписки игри има освоено бронзен и сребрен медал во две категории.
Пендаровски вчера за првпат го додели признанието #УспешниMлади. Од 79 апликации, за носители на ова признание избрани се Анастас Вангели, Борче Арсов, Кимет Јусуфи, Моника Ѓорѓиева, Весна Бачева, Ангела Бушеска, Ардиан Шабани и Симона Димковска.
