Здружението на пензионери во Тетово преку Комисијата за здравство, организира бесплатни субспецијалистички ехо-прегледи во текот на октомври и по повод меѓународниот месец на борбата против рак на дојката. Прегледите се вршат во просториите на Здружението во Тетово во понеделник, среда и петок од 10 до 13 часот од страна на специјалист радиолог Д-р Павле Спасеновски.
-Ова се превентивни прегледи со оглед дека болеста рак на дојка е на прво место кај женска популација. Ако порано ракот на дојка се јавувал во подоцнежни години, мое созние е дека проблематиката почна нагло да се менува и да има болни на млади години. Моја најмлада пациентка кај која е констатирана болеста имала 28 години, изјави докторот Спасеновски.
Докторот потенцира дека превентивата и честите прегледи се најдобар начин за брзо откривање на оваа болест која со соодветен третман пациентката може да ги избегне трагичните последици.
-Ако во неделата прегледам 50-тина пациентки 10 се со дијагноза и со „лошата“ болест. Овој показател е катастрофа. Порано немало ни толку прегледи но таа статистика е загрижувачка, што се се јавува кај помладата популација, рече лекарот.
Тетовското пензионерско здружение севкупно брои над 11.500 членови.
