Кандидатот за градоначалник од Движење Беса, Билал Касами и Аријанит Хоџа при посетата на каналот за наводнување Радиовце – Џепчиште ја најавија ревитализацијата на овој важен инфраструктурен сегмент за тетовските земјоделци.
-Каналот е долг 17 километри, речиси 20 години овој канал никогаш не бил исчистен. Во август 2018 година, беше поставен камен -темелник за изградба на новиот систем за наводнување Речица -Равен, кој вклучува дел од Полошката котлина од автопатот Скопје – Тетово – Гостивар. По изградбата, се планира наводнување на 3250 хектари земјоделско земјиште што лежи во регионот на Гостивар, Врапчиште, Боговиње и Тетово, рече Билал Касами.
Министерот Хоџа рече дека како и што беше ветено, започнавме со ревитализацијата, односно чистење на овој канал, надминати се сите бирократски пречки, заклучувајќи дека Движењето Беса и тој лично ќе бидат дополнително посветени на подобрување на условите за земјоделците во овој регион.
Пратеникот од овој крај, лидер на Движењето Беса и истовремено кандидатот за градоначалник на Општина Тетово, Билал Касами на почетокот им се заблагодари на министерот и раководителот на подрачната единица на Министерството во Тетово за посветеноста и неуморната работа за реализација на овој проект додавајќи дека и покрај тоа што беа заборавени од претходните власти, и на централно и на локално ниво, Движењето Беса е посветено и ќе продолжи да се залага за олеснување на животот на сите граѓани во овие населени места.
Требаше да помине 3 години за да започне со работа на овој канал кој е многу неопходен за жителите, а тоа благодарение на на министерот Арјанит Хоџа, потенцираа од Движењето Беса.
Вкупната вредност за изградба на новиот систем за наводнување е речиси 15 милиони евра.
