Биљал Касами, градоначалникот на Тетово и лидер на Движење Беса го критикуваше одржувањето на прослава со концерти по повод 20 години од постоењето на ДУИ. Тој на владејачката партија и порача дека наместо да троши пари за славење, како дел од извршната власт да најдат начин да им помогнат на тетовци кои се погодени од поплавите.
-Мислам дека со тој долг што ни оставија како мираз и со сите овие проблеми најмалку имаат образ да дојдат во Тетово да слават во ситуација кога Владата каде што ДУИ се покажуваат како главен фактор на оваа Влада, наместо да трошат пари за вакви прослави требаше да ги информираат граѓаните на Тетово како ќе им излезат во пресрет со оштета и покривање на таа штета која беше направена во поплавите, рече Касами на новинарско прашање по одржување на состанок на кризниот штаб.
Тој сепак се надева дека ДУИ имаат време да ја сменат одлуката.
-Во ситуација кога не не инфомираат дали ќе ни помогнат во делот на справување со оваа криза доаѓаат да слават во Тетово, јас реков во друга прилика, во најмала рака ние тоа го цениме како провокација. Тие се посебна партија и самите одлучуваат за нели своите постапки. Останувам на тоа дека ќе се опаметат и со тие пари кои ги имаат определено порано за таа слава ќе ги преориентираат за оштета на се што им се случи на тетовчани, истакна Касами.
ДУИ вечерва и утре со концерти во Скопје и Тетово ќе слави 20 години од постоењето како политичка партија.
ас
