Вакцинацијата во Здравствен Дом Тетово започна со првите 80 дози кои ги примија заинтересираните граѓани пријавени преку матичните лекари и “Мој термин”. Денес во здравствениот дом вакцина примаа категоријата на лица над 77 години.
-Вакцинацијата се одвива без проблеми досега. Се врши во два пункта во Здравствен дом Тетово. Денес ќе се работи само во прва смена и ќе се дадат 80 вакцини согласно определените термини. Од наредна недела од понеделник, ќе се работи и даваат вакцини во две смени од 08 до 20 часот и дневно да се вакцинираат од 140 до 160 лица, информираше Борислав Јоргаќиески, директорот на Здравствен дом.
Пријавени преку сајтот вакцинација.мк и Мој термин до минатата недела околу 5.200 граѓани од сите шест тетовски општини.
– Од страна на Министерството за здравство добиени се 800 вакцини кои првично ќе бидат наменети за лица над 77 годишна возраст. По вакцинација на оваа категорија се преминува на останатите старосни категории. Исто така и вакцините понатаму ќе се доставуваат до нас сукцесивно според бројот на пријавени пациенти од посочената категорија,рече директорот на Здравстен дом.
Вакцинирањето се спроведува во Службата за вакцинација во склоп на ЈЗУ Здравствен Дом Тетово, а доставени се вакцини од производителот Астра Зенека.
А.С
