Организацијата „Вешта жена“ денес во Тетово организираше настан со мотото „Со љубов за различните, а еднакви“, посветен на жените од ранливите општествени категории. Членките на повеќе здруженија на беа повикани на заедничка дружба по повод новогодишните празници.
-Оваа година настанот го посветуваме на жените со оштетен слух, оштетен говор и телесни инвалиди, за кои што благодарение на фирмите спонзори кои обезбедија средства како сувомесни производи, јајца, пецива, брашно и квасец, вештите жени подготвија храна за денешниот ден за дружба во Тетово. Така на овие жени и ќе им обрнеме внимание во периодот пред Нова година за да сфатат дека некој мисли и на нив во овие моменти. На еден начин жените од овие ранливи категории се маргинализирани посебно поради своите попречености односно неможноста да придонесе во општеството, изјави Снежана Стојановска, претседателка на Вешта жена.
Покрај во Тетово таа најави дека вакви настани ќе се одржат и во другите градови каде Вешта жена има свои членки и претставништва.
ас
