Две лица се приведени во текот на викендот поради прекршување на полицискиот час на подрачјето кое го покрива Секторот за внатрешни работи Тетово. Во периодот од сабота кон недела е приведен 34 годишник на наплата рампа Желино, додека во период од 22 часот на 14 март до 5 часот на 15 март 2021 година приведено е уште едно лице при контрола на Здуњска крстосница.
-Приведените се соочуваат со пријава до Обвинителството согласно членот 206 од Кривичниот законик за непостапување според прописите за време на епидемија, информира портпаролот на СВР Тетово, Марјан Јосифоски.
Во текот на изминатото деноноќие, според статистиката на Секторот за внатрешни работи Тетово за периодот од 7 часот на 14 мар до 7 часот на 15 март за неносење заштитни маски на 37 лица зготвени им се прекршочни платни налози, согласно член 6 од соодветната владина Уредба.
А.С
