Раководството на СВР Тетово по повод Денот на македонската полиција Седми мај на полициското одделене Жеровјане му предаде возило. Во тоа полициско одделениеи станица воедно се завршени инфраструктурни подобрувања.
-При посетата на ова Одделение му беше предадено возило од Агенцијата за управување со одземен имот, што ќе се користи во извршување на секојдневните професионални задачи. Со денешната посета на Полициското одделение Жеровјане, инаку се заокружи комплетната реконструкција на објектот, која започна во првите месеци од оваа година.Во рамките на истата беа заменети со нови сите врати и прозорци, подот во објектот и се друго во внатрешноста, се огради објектот, а беа обликувани и нови бекатонски патеки за пристап.Со тоа, сега значително се подобрија вкупните просторни и други услови на вработените и граѓаните од тој регион, истакна Марјан Јосифоски, портпарол на СВР Тетово.
По повод Денот на македонската полиција во кругот на СВР Тетово е извршено засадувањето на неколку нови украсни дрвца,како и подновување и осветлувањето во дворот.
А.С
