Две лица со маски и оружје украле пари од спортска обложувалница ноќеска во тетовско Теарце. Од тетовската полиција нема информација за тоа колку точно пари се одземени, но го потврдуваат оруженото разбојништво.
-Вчеравечер околу 22 часот и 30 минути во СВР Tетово пријавено е дека две лица, со закана со оружје од спортска обложувалница во тетовско Теарце одзеле пари, информира СВР Тетово.
По пријавата на случајот, полицајци извршиле увид и се преземаат мерки за откривање на поединостите со одземањето на парите од објектот за спортско обложување.
А.С
