Денес во тетовската касарната „Кузман Јосифовски – Питу“ со воена свеченост единиците од гарнизонот Тетово, го одбележаа “27ми Август“ – Денот на третиот пешадиски Баталјон. На свеченоста, беа интонирани државната химна, химната на Армијата , а по повод денот на единицата беа доделени поголем број на стимулативни мерки, а беа унапредени, наградени и пофалени старешини и војници.
-Свеченоста беше организирана во согласност со протоколите и со почитување на мерките и препораките за заштита од Ковид-19 и без присуство на цивилни гости – пријатели на тетовската касарна кои во минатите години секогаш биле дел од армиските свечености. На свеченоста присуствуваа, началникот на штаб во командата за Операции, командантот на 1. механизирана пешадиска бригада, полковник Сашко Лавчиски, команданти на потчинетите единици на 1.пбр, кои со своето присуство го збогатија овој настан, информираат од тетовската касарна.
Пред стројот на единицата и присутните гости на свеченоста, пригодно обраќање имаше командантот на 3-тата механизирана пешадиска бригада потполковник Изеир Ејупи, кој во своето обраќање се осврна на историјатот, традициите и значењето на „ 27 ми Август“. Со одлука на Врховен командант на вооружените сили, 27- ми август е прогласен за „Ден на 3.мпб“ во чест и сеќавање на традициите од 15-та Поречка ударна бригада, која била формирана на овој ден во далечната 1944 година.
ас
