Од 105 сообраќајни незгоди случени во август во 31 од нив учествувале возила со странски регистерски таблици, бележи статистиката на Секторот за внатрешни работи во Тетово. И вчера 12 септември околу 20 часот возило со странски таблици учествувало во сообраќајка.
-На автопатот Скопје-Тетово, кај с.Добарце, патничко возило „БМВ“ со шведски национални ознаки, управувано од А.М.(42) од Скопје, излетало од патот и удрило во ограда (банкина). Во незгодата со тешки телесни повреди се здобил возачот и бил пренесен во Клиничка болница Тетово, информира портпаролот на СВР Тетово, Марјан Јосифоски.
Од вкупно 105-те сообраќајки во август најчести причини и натаму се неправилното вршење на дејствие (во37 случаи) и неприлагодената брзина (29 ). Статистиката бележи дека во јуни имало речиси половина помалку од август, односно 51 сообраќајна несреќа-без загинати лица. Во јули СВР Тетово евидентира 99 сообраќајни несреќи исто така без загинати лица.
