Во ноември годинава во 22 акциски, засилени и редовни контролни активности реализирани на поширокото тетовско подрачје биле откриени и законски санкционирани вкупно 1883 различни видови сообраќајни прекршоци, 847 повеќе во споредба со минатогодишниот ноември.
-Во овие контролни активности, а поради констатирани прекршоци, од сообраќај биле исклучени 92 возила, од кои 61 имале истечена регистрација над 30 дена, а кај 31 возило била утврдена техничка неисправност. Во овој период, исто така, од сообраќај биле исклучени и 276 возачи, од кои 181 управувале возила без возачка дозвола, 50 под дејство на алкохол, 40 возачи-почетници, 3 со важечка забрана за управување и 2 со несоодветна категорија, информира портпаролот Марјан Јосифоски.
Покрај тоа, минатиот месец, времено биле одземени 7 возила за истечена регистрација повеќе од 6 месеци, 150 возачки дозволи и 48 сообраќајни дозволи, додека тетовската „пајак-служба“ вкупно подигнала 77 непрописно паркирани возила, најмногу во централното градско подрачје на Тетово.Во ноември, покрај соодветни поднесоци со кои се санкционирани откриените недостатоци, изготвени се и 225 писмени предупредувања.
