Во дворот на црквата Свети Димитриј во Теарце вечерва од 20 часот ќе се одржи промоција и проекција на краткометражен филм „Ѓурѓовден во Долни Полог (Ајде на билки сите девојки) по сценарио и режија на Бобан Трпковски од КУД „Кирил Пејчиновиќ“.
Дел од промоцијата која ќе се одржи на отворено во црковниот двор е концерт со изведба на песни и ора на КУД „Кирил Пејчиновиќ“ , а гости на настанот се вокално-инструментален состав „Аманет“,
-Филмот е за празникот Ѓурѓовден, што претставува празник на будење на природата, проследен со многу магиско-антропејски адети и обичаи. Посебно место во Ѓурѓовденските обичаи има берењето на билки кој се изведува еден ден пред самиот празник, информира авторот на филмот Бобан Трпковски.
Содржината на филмот е снимена во текот на годинава, со времетраење од 20 минути. Филмот ќе биде достапен на социјалните мрежи. Делото е поддржано од Министерството за култура.
