На денешното редовно Изборното собрание на Македонско – хрватското друштво се избра деветчлено претседателство.
-Во Претседателство избрани се Недиљко Ромац, Горан Видачек, Илија Илиевски, Славица Дабевска Кировска, Нена Хлоупек, Дарко Корчула Јовановски, Тони Здравковски, Дарко Обадиќ и Лидија Цвитановиќ Илиевска.На следна седница од редот на членовите на претседателство ќе бидат избрани претседател, потпретседател, благајник и секретар. За членови на надзорен одбор се избрани Томо Сензел, Владимир Копривњак и Среќко Мишковски, информираат од МХД.
Во отворениот дел од собранието се обратија Нивес Тигањ, амбасадорка на Република Хрватска, градоначалникот на Тетово, Биљал Касами, Даријан Сотировски, директор на Комисија за односи со верски заедници и религиозни групи, Слободан Близнаковски, директор на Агенција за иселеништвo, Бранислав Светозаревиќ, доктор на историски науки, историчар и Горан Видачек, основач и претседател на МХД.
МХД е основано во Скопје во 1993 година, од страна на македонски интелектуалци меѓу кои и поранешниот претседател Борис Трајковски. Во Тетово се основа во 2002 како огранок, кој е денеска единствен од ваков тип.
