Граѓанската иницијатива „Учебници и настава мора да има“ во Тетово организираше јавен протест пред зградата на општината со цел да бидат истакнати несогласувањата околу промените во образовниот процес како и барања за одржување на настава. Организаторите посочија дека се дојдени граѓани, родители, ученици, наставници од различни националности и друг вид припадности.
-Прво бараме хартиените учебници задолжително да останат во употреба за сите одделенија во основното и средното образование.Второ, да се креираат протоколи за одржување настава со физичко присуство во услови на пандемија. Трето, задолжително присуство на претставници на групата и од граѓанскиот сектор во работната група за измени во законот за било кави реформи во образованието, посочи Светлана Савевска, претставник на иницијативата.
Оваа иницијатива посочи дека нема да се дозволи децата да бидат предмет на тестирање со дигитализацијата.
-Реформи да, потребни се вистина е дека децата се преоптоварени со непотребни информации кои се дел од моменталните учебници но отскокнување во образовниот процес воведување на целосна дигитализација, кратење предмети како историја и посебно мајчин јазик не се решение за напредок во образованието на децата, истакна Светлана Савевска.
Учесниците на јавниот протест носеа учебници и пароли како „Законот не ги решава проблемите во образованието“, „Законот не е по мерка на родителите, наставниците и учениците, „Референдум“.
А.С
