Според податоците што ги соопшти на прес конференција министерот за внатрешни работи Наќе Чулев под полициска контрола на мерките здравствен надзор и самоизолација вкупно се 173 лица, од кои 16 се во Тетово. За едно лице од Тетово и две од Струмица кои ги прекршиле мерките се поднесени соодветни пријави до тамошните обвинителства. За Скопје се работи на 4 такви случаи.
Пријавите се по членовите 205 и 206 од КЗ, за пренесување заразна болест и непостапување по здравствените прописи за време на епидемија.
Министерството за внатрешни работи отвори посебна линија и имејл за информирање и пријавување на непочитување на мерките што ги воведе Владата за заштита од ширење на коронавирусот.
Телефонската линија 0800 00201 ќе работи 24/7 и е на македонски и на албански јазик, а електронската адреса е mvrinformaciiuslugi@moi.gov.mk
