Снежните врнежи кои во тетовскиот регион започнаа околу 4 часот создадоа снежна покривка од 15 до 30 сантиметри на разни локации. Поради таквата висина на снегот, ангажирана е механизација за расчитување на покривката на градските улици но и на сите регионални патишата и автопатите кон Скопје и Гостивар.
-Интервениравме на регионалниот пат Тетово кон Јажинце каде имаше снежна покривка од 15-тина сантиметри. На патот кон Попова Шапка има околу 30 сантиметри и постојани има камион кој отстранува снег. Интервенираме и на автопатите и на регионалниот пат Тетово-Пирок, изјави Дејан Јовановски од тетовската подружница на „Македонија пат“.
Низ Тетово според информацијата од општината отстранувањето на снег го врши јавното комунално претријатие.
-Со сите механизми е активирано ЈКП Тетово во одржувањето на патиштата поради врнежи од снег. Во текот на следните часови ќе почнаме со фрлање на сол и песок. Преземени се сите неопходни мерки за градските улици и планинските села да бидат проодни, инфомираат од Општина Тетово.
ас
