Во тетовскиот регион 80 лица се вкупно пријавени за гласање денес поради потребата да бидат дома во изолација или болни од Ковид-19. Најмногу 55 се во рамки на општина Тетово, додека во Теарце има 8. По 5 се во општините Јегуновце, Желино и Брвеница и само двајца во општина Боговиње.
Своето право на глас од дома утре евидентирани како болни и изнемоштени ќе можат да остварат 192 лица во сите шест тетовските општини. Тетово има најмногу 81, Јегуновце 41, Брвеница 18, Боговиње 22, Теарце 29 и Желино едно лице.
-Изборната комисија за општина Тетово за денот на изборите има предвидено дислокација на неколку избирачки места. Сите избирачки места кои досега биле лоцирани во објектот на ЈКП Тетово на градски пазар се дислоцираат во ОУ Братство-објект Спортски центар, додека сите избирачки места од општина Тетово се преместуваат во ОУ Лирија, соопштија денес од ОИК Тетово.
Општина Тетово има најмногу 84.454 избирачи кои можат да гласаат на 117 места, додека најмала е општина Јегуновце со 10.168 гласачи.
А.С