Дури 14 угостителски објекти се затворени во периодот од 24 часа од 7 часот вчера до 7 часот изутринава на подрачјето на Тетово кои работеле спротивно на пропишаните владини мерки локалите да не работат во насока на превенција од ширење на коронаворусот,соопшти денес СВР Тетово. За сопствениците се изготвени соодветни поднесоци.
Воедно во истиот период 30/31 март од 7 до 7 часот, на подрачјето на Секторот за внатрешни работи Тетово откриени се две нови лица кои не ја почитувале, односно ја прекршиле одлуката за ограничено движење.
-Сите се лишени од слобода и задржани за целосно расчистување и документирање на случаите, по што ќе им се изготват соодветни поднесоци, по член 206 од Кривичниот законик, соопшти Марјан Јосифоски, портпарол во СВР Тетово.
Вкупниот број на лица кои не го почитувале полицискиот час изнесува 79 луѓе.
А.С
