На 29 јануари министерот за транспорт и врски Благој Бочварски по средба со тетовската градоначалничка Теута Арифи, најави дека за неколку недели започнува долгоочекуваната реконструкција на две улици „Гоце Делчев“ и „Ѓоце Стојчески“. Министерот информираше дека првиот тендер на проектот од Светска банка е веќе завршен и се потпишани договори со изведувачите.
Денес изминуваат точно два месеци од ова ветување, а ниту на повидок е почетокот на градежните работи на улицата „Гоце Делчев“ во стариот дел од градот која важи за една од најоштетените делници во Тетово.
На 17 март за долгоочекуваната реконструкција на улицата „Гоце Делчев“ за која на 29 јанаури со министерот Бочварски информираа дека ќе се работи за неколку недели, Теута Арифи рече дека има комуникација.
-Ние ги чекаме што побрзо да започнат, комунициравме. Ние поставивме атмосферска канализација на „Ѓоце Стојчески“ така да чекаме да ги започнат работите, истакна градоначалничката.
До Министерствот за транспор и врски Тетово инфо упати прашања-да обезбедат детали од договорот, кога е потребно да се почне и временски рок да се заврши реконструкцијата од страна на изведувачот. Од таму одговорија дека се очекува во април да почнат граджните работи за реконструкција на улицата „Гоце Делчев“.
-Во однос на Вашите прашања, ве информираме дека општина Тетово аплицираше преку проектот од Светска банка за подобрување на локалните улици и патишта. За општина Тетово вкупно беа алоцирани 1.072.436 евра. Општина Тетово во првиот тендер аплицираше за реконструкција на две улици и тоа Гоце Стојчевски и Гоце Делчев. Договорот со изведувач веќе е склучен и се очекува на почетокотот од месец април да започнат градежните работи, се вели во одговорот од Министерството за транспорт и врски.
Според одговорот од Министерството во рамки на трет тендер Општина Тетово има аплицирано за реконструкција на улиците Штипска и Браќа Миладиновци, за кои во моментот се проверува проектната документација.
А.С
