Во текот на 2020 година Службата за социјална медицина и статистика при Центар за јавно здравје Тетово бележи 1059 посети на матичен лекар врз основа на неоплазма – малигно заболување на одреден орган. Станува збор за севкупна бројка 1059 посети на матичен лекар на тетовскиот регион кај кои дел се однесуваат за лица со новодијагностицирана малигна болест, но и на веќе постоечки болни поради прегледи, контроли и рецепти.
-Во евиденција на матични лекари за малигни заболувања што доставиле до Центарот за јавно здравје, доминираат заболување на дојка, на второ место се тие на респираторни органи и на трето место на дигестивен тракт, информираат од Службата за социјална медицина и статистика.
Од таму потенцираат дека бројката е само приказ на посетите на матични лекари додека не се евидентирани малигни заболувања констатирани во Клиничка болница во Тетово и другите јавни и приватни клиники и болници.
Денес 4 февруари здравствените организации го одбележуваат како Светскиот ден на ракот, со цел подгнување на свеста и спречување на милиони смртни случаи.
-Ракот е болест која се јавува кога промените во групата нормални клетки во организмот доведуваат до неконтролиран, абнормален раст, формирајќи грутка наречена тумор. Туморите можат да се поделат во три групи: бенигни, малигни и преканцерози. Во светот 9,6 милиони луѓе умираат од рак секоја година, се вели во извештајот на Институтот за јавно здравје по повод денешниот ден.
Мотото на одбележувањето годинава е Тема на Светскиот ден на ракот: Јас сум и Јас ќе.
А.С