Општинска организација на Црвениот крст во Тетово и Центар за Трансфузиона Медицина од Тетово организираа крводарителска акција во објектот на општина Тетово. Крв имаа можност да даруваат вработените во општинската администрација и од подрачните единици на Министерствата.
-Вкупно 21 единица крв се собрани од вработените во администрацијата во Општина Тетово и подрачните единици на Министерства во Тетово кои доброволно даруваа крв. Акцијата беше еднодневна и траеше од 11 до 16 часот, информира Шклќим Мурати, секретар на тетовскиот Црвен крст.
Следната недела Црвениот крст и Центарот за трансфузиона медицина организираат две акции. Во просториите на Гимназија “Кирил Пејчиновиќ” е во среда 2 октомври од 9:00 до 13:00 часот. Во гимназија „7 Март“ во Тетово во петок 4 октомври исто така од 9:00 до 13:00 часот.
