Од денес започнаа асфалтирање на две делници кои претставуваат влез и излез од Тетово со што ќе финишираат градежните работи за реконструкција на овие две точки кои започнаа во март. Поради ова извршување на градежните работи и асфалтирањето ќе се прави и времен режим на сообраќај. Поставени се сообраќајни знаци дека на деловите од патот се извршуваат градежни работи, а сообраќајот по потреба ќе се регулира и од работниците.
-Асфалтот се поставува на делот од земјоделско училиште до патарината кон Гостивар и приклучокот од обиколницата како и делницата од Универзитет Тетово до клучката за Брвеница. Ќе има времен режим на сообраќај односно кога ќе се поставува асфалт на една лента, на другата коловозна лента ќе може да се одвива сообраќајот со тоа што возилата ќе бидат пропуштани наизменично, изјави изјави Дејан Јовановски од тетовската секција на јавното претријатие за одржување и заштита на магистрални и регионални патишта (Македонија пат).
Должината на делницата од универзитетот до клучката за Брвеница е околу 1000 метри, просечна ширина на патот е шест метри и 30 сантиметри до осум метри. Вториот дел од земјоделско училиште до наплатна рампа на излезот од Тетово кон Гостивар е 700 метри со 8.5 метри просечна ширина.
Потегот од универзитетот до клучката за Брвеница претставува и дел од регионалната делница Р2233.
А.С
