Втора вечер по ред тетовските полицајци бележат случај на приведување на одговорни лица од угостителски објекти поради непочитување на мерките во време на епидемија. Вчера околу 21.45 часот, полициски службеници на СВР Тетово го лишиле од слобода Ф.И.(33) од Шипковица, затоа што угостителскиот објект на улица „Илинденска“ во Тетово, во кој тој бил управител, работел со гости по дозволеното време и не ги почитувал мерките за справување со коронавирусот.
-Објектот бил затворен, додека Ф.И. бил задржан во Полициската станица Тетово и по целосно расчистување и документирање на случајот ќе му биде поднесена пријава по член 206 од Кривичниот законик, а поради сомнение дека сторил кривично дело „непостапување според здравствени прописи за време на епидемија“, информира Марјан Јосифоски, портпарол на СВР Тетово.
Сопственик на локал во Тетово на 38 години беше приведен во вторникот исто така поради прекршените мерки за заштита од ширење на коронавирус. Поради истите причини за прекршените протоколи за работа во време на епидемија во тетовско беа приведени сопственици на локали во Мала Речица на 2 декември и во Пирок на 10 декември.
А.С
