Невладините организации Еко Герила и ЦБС Лоја од Тетово со герила акција изразија јавен револт кон општина Тетово за несправувањето со големиот број проблемите од повеќе области, а посебно од областа на животната средина. Пред зградата на Центарот за култура „Иљо Антески-Смок“ поставија изложба на фотографии и како и ткн. чудовиште од смет.
-Пред центарот за култура беше поставена изложба на 24 слики со проблеми и потреби на граѓаните, а воедно и ветувања од страна на градоначалничката Теута Арифи во кампањите во 2013 и 2017. Со тоа сакавме да ги потсетиме во општината некои многу важни работи и потреби не се исполнети. Исто така собравме од улица смет и направивме „чудовиште“, изјави Арианит Џафери од Еко Герила.
Тој потенцираше дека сликите и сметот се поставени пред центарот за култура во централното градско подрачје претпладнето, а само по еден час се отстранети.
-Траеше перформансот само 60 инути зошто општната беше одлучна да ги остранат. Мислиме дека да беа толку брзи и одлучни да ги отстранат проблемите немаше да има изложба. Тие сакаат да ги кријат проблемите но не можат да ги избришат сеќавањата на граѓаните. Исто така не можат да се кријат корупцијата, сметот, тоа шт нема јавен превоз и другите проблеми. Не се преземаат мерки од страна на општината како во другите градови. Во општина Тетово не ги интересира, како живеат во Вашингтон, рече Џафери.
Освен пред центарот за култура дел од герила акцијата е спроведена и на други локации низ градот.
