Тетовската градоначалничка Теута Арифи во Тирана учествува на одбележувањето на јубилејот 100 години главен град на Албанија. Воедно таму се сретна со градоначалници Албанци на градови кои се дел од Унијата на албански општини.
-Благодариме за гостопримство на градоначалникот Велиај. Унијата на албанските општини ги потврди конкретните проекти. Наскоро се очекува домаќинот на новата регионална средба општина Тузи да продолжи со активностите на агендата Унијата на албанските општини во регионот, се вели во соопштението до тетовската општина.
Во април 2019 година во тетовската општинска зграда, градоначалниците на Тетово, Тирана (Албанија), Приштина (Косово),Туз (Црна Гора), Чаир и Гостивар како дел од Унијата на албански општини потпишаа меморандум за соработка во рамки на иницијативата „Зелени градови“ за подобрување на квалитетот на амбиенталниот воздух и јавната чистота. Предвидено е во Тирана да биде седиштето на Секретаријат на Унијата како основа за регионални проекти.
А.С
