Општина Тетово беше домаќин на Министерството за труд и социјална заштита на денешната инфо средба со цел информирање согласно новиот закон за лица без документи за идентификација.
Ваквите инфо средби кои ќе ги има во сите градови се потребни за да се објасни и на институциите и на граѓаните како оди постапката за добивање на извод на родените со матичен број кај возрасни луѓе кои досега не биле евидентирани во книгата на родени. Законот предвидува прво добивање на ткн. евиденциски број па потоа редовен матичен број.
-Со овие инфо средби со претставници на Министерството правиме обука и доинформирање на граѓаните и институциите на локално ниво, Центар за социјална работа, матична служба, МВР, во однос на одредбите од новиот закон за евиденција на неевидентира лица во матична книга на родени. Во Тетово има 33 случаи, досега останаа 10 кои немаат упис на раѓање. Целта е сите овие лица кои ќе добијат посебен извод на родени, посебна идентификациона исправа веднаш по службена должност надлежните ресори да превземат обврска за понатамошен упис во редовната книга на родените, изјави Елвис Мемет, советник во кабинетот на премиерот.
Дел од граѓаните присутни на инфо средбата истакнаа дека постапката е комплицирана поради тој евиденциски број. Проблемите настануваат затоа што вработените во институциите не се запознаени со постоење со тој евиденциски број за луѓето без лични документи.Таков пример е на Џеват Красниќи кој добил евиденциски број но во болница не ни знаеле за таков вид на идентификациска исправа и го сметале за лице без документи и како таков не може да оствари прави на здравствена заштита.
—
-Заведен сум во книга на матични ама како вчера да сум роден. Идам кај докторите, ми вика колку години си. Им велам 26.6.1976 сум роден. Абе вика како завчера да си роден овде пишува две години три да имаш. Таков матичен имам, изјави Џеват Красниќи.
Законот е од пред две години, а околу 700 луѓе низ цела држава се уште се борат да добијат документи.
Претставниците на државата истакнаа дека поради пандемијата дури сега се прават инфо настани за информирање и на институциите и на граѓаните.
