Здружението Институт за развој на заедница (ИРЗ) од Тетово доби амбулантско возило како донација од АНПАС Италија кое ќе се употребува во иднина со цел да се обезбеди помош за граѓаните во регионот во случаи на елементарна непогода, стари и немоќни и други граѓани кои имаат потреба од помош. Со оваа активност ИРЗ како понудувач на социјални услуги ќе работи на унапредување на положбата и состојбата на маргинализраните и социјално ранливи категории на граѓани.
-Амбулантнто возило ќе биде искористено да се даде помош на стари и немоќни лица, лица со попреченост, во случаи на итна потреба при природни неподгоди, за луѓе кои живеат во далечни места и слично. Сето тоа Здружение ИРЗ ќе го спроведува во соработка со локалните здравствени установи, изјави Сретен Коцески, директор на ИРЗ.
Возилото е обезбедено во рамките на мрежата „Самаритан“и организацијата АНПАС од Италија.
ИРЗ е здружение на граѓани од 1996 година, и дел од активностите што ги спроведува имаат за цел да ги подобри условите за живеење и стандардот на граѓаните.
А.С
