Претседателот на општинската организација на СДСМ во Тетово, Бобан Видоески одржи прес-конференција на која ги повика заинтересираните за присуство на граѓанска трибина со министри од СДСМ во вторник во Тетово.
-Власта предводена од СДСМ досега макотрпно работеше на многу реформи со цел подобар живот за сите граѓани. Имено денеска сме сведоци на многу спроведени реформи и мерки во здравството, социјалната заштита за сите категории на граѓани на кои им е потребна, покачувањето на платите и многу други мерки кои се во интерес на граѓаните.
Ветивме контонуирана работа на терен за да ги слушнеме граѓаните и нивните потреби. По тој повод како и секогаш поблиску до граѓаните, Ве повикувам сите да дебатираме, да разменуваме идеи за доброто на оваа земја. Сите да се обединиме без оглед на нашата партиска, национална и верска припадност за изнаоѓање на заеднички решенија за да останеме на правиот пат. Патот на реформите и интеграциите.
Ве повикуваме да присуствувате на граѓанската трибина заедно со министерот за здравство Венко Филипче, министерката за труд социјална политика Мила Царовска и порпаролот на СДСМ Костѕадин Костадинов, која ќе се одржи на 22 октомври со почеток во 20 часот во Центарот за култура „Иљо Антески-Смок“ во Тетово, истакна Видоески.
