Неформалната група Арт Активизам од Тетово во нова герила акција алармираше од потребата надлежните институции од локалната самоуправа да ги реконструираат оштетени потпорни ѕидови долж патот до месноста Бањиче. Тие апелираат за итно санирање на тие ѕидовите зза да не настрада некој човек.
-Медиумите со месеци наназад за оштетувањата што постојат на патот кон Бањиче а состојбиите и понатаму остануваат исти. Граѓаните, пеш или со автомобил и понатаму се движат по небезбедниот пат. Што уште треба да се случи за да се санираат овие оштетувања? Дали некој треба не дај Боже да настрада за да биде разбрана ургентоста на проблемот, прашуваат од Арт Активизам.
Тие во својата герила акција направија фотографии во кои симболично се обидуваат да ги задржат ѕидовите да не паднат.
-Дотогаш не ни преостанува ништо друго од тоа ние, граѓаните да ја преземеме улогата на потпора и држејќи го ѕидот да се обидеме да спречиме поголема катастрофа, истакнуваат од младинската група.
