Во петчасовна контрола акција ноќеска во Тетовско и Гостиварско 12 возачи биле исклучени од сообраќај поради возење под дејство на алкохол, инфомира денес СВР Тетово.
Во периодот од 00:00 до 05:00 часот на тетовско-гостиварското подрачје е спроведена акциска контрола за откривaње на возачи кои упрaвуваат возила под дејство на алкохол.
Констатирано е дека 9 лица од тетовско и 3 од гостиварско управувале возило под дејсво на алкохол. Тие се исклучени од сообраќај и привремено им биле задржани возачките дозволи и им биле издадени мандатни платни налози, соопштија од канцеларијата за односи со јавноста при СВР Тетово.
Во текот на контролата биле констатирани уште 14 останати прекршоци, од кои 11 во Тeтово за кои се издадени исто толку соодветни поднесоци.
Според законото за безбедност во патниот сообраќај предвидени се мандатни глоби од 20 до 400 евра во денарска противвредност во зависност од прекршокот, а покрај глобата исто така е предвидено и санкција „забрана за управување со возило“ од 3 до 12 месеци.
