Две малолетни лица се меѓу луѓето кои тетовската полиција ги има откриено како го нарушуваат ограничувањето на движењето по што се приведени во полициска станица. Покрај нив најдени се уште 13 други лица во време на полицискиот час. Вкупно во Тетовско досега има 46 лица кои излегувале во време на ограничувањето на движењето.
-Во периодот од 7 часот вчера 27 март до утрово во 7 часот откриени се вкупно 15 лица, од кои двајца малолетници на тетовското подрачје како се движат во термините во кои е определно ограничено движење. Единаесет од нив ќе добијат соодветени поднесоци, а четворица добија опомени. Лицата се најдени на повеќе локации, соопшти Марјан Јосифовски, портпарол на СВР Тетово.
Воедно, тетовската полиција во изминатото деноноќие бележи откривање на 4 угостителски објекти во повеќе места низ тетовскиот регион кои работеле. Локалите се затворени, а за двајца од сопствениците ќе бидат поднесени кривични пријави.
А.С
