Две лица се повредени во сообраќајна незгода на булеварот „Видоја Смилевски-Бато“ во Тетово, а оштетен бил и метален електричен столб. Според информациите на СВР Тетово незгодата се случила утрово околу 7 часот и 45 минути.
– Во сообраќајката учествувале : товарно моторно возило „Форд фиеста“ со тетовски регистарски таблици, управувано од 31-годишниот Р.В. од тетовска Мала Речица и патничко возило„Опел астра“, исто така, со тетовски таблици, што го управувал 58-годишниот тетовец М.Р. Двајцата повредени возачи пренесени се во тетовската клиничка болница за укажување на лекарска помош, изјави портпаролот на СВР Тетово, Марјан Јосифовски.
Инаку, при судирот на двете возила оштетен бил и метален електричен столб на оваа улица. Извршен е комплетен увид.
