Еден средношколец е повреден со остар предмет, а друг е истепан од поголем број други ученици на голем одмор, бележи СВР Тетово. Полицијата информира дека во двата случаи напаѓачите се обезбедени.
-На улица „Браќа Миладинови“, во близина на тетовско средноучилиште, 16-годишник од тетовски Копачиндол во физичка пресметка со остар предмет го повредил во стомакот и левата рака А.Ј.(18) од Тетово. На повредувањето му претходела нивна меѓусебна вербална расправија. Извршен е увид, а нешто подоцна малолетникот обезбеден е во Полициската станица Тетово, информираат од СВР Тетово.
Вториот напад го пријавил 18-годишниот тетовец Б.М.
-Тој пријавил дека околу 15 часот и 20 минути во дворот на тетовско средно училиште, на голем одмор, физички бил нападнат од неколку лица, кои во најголем број ги познавал. По пријавата напаѓачите се обебзбедени, информираат од тетовската полиција.
За два дена на тетовското подрачје се бележат три случаи за напади во училишта. Во средата беше пријавен напад со тврд предмет врз ученик во основно училиште.
А.С
