Двајца вработени во тетовската болница пријавиле во полицијата дека физички биле нападнати биле, со тоа што прикажале две различни верзии за настанот. Според првиот пријавител случувањата биле околу 11 часот.
-Во 12 часот и 45 минути, А.Е.(41) од Тетово пријавил дека околу 11 часот во тетовската Клиничка болница, каде бил вработен, физички бил нападнат од Н.С.(50) од тетовско Селце, исто така, вработен во болницата. Набрзо потоа, Н.С. пријавил дека тој бил физички нападнат од А.Е и од уште неколку други лица кои не биле вработени во болницата. Се преземаат мерки за раслистување на случајот, информираат од СВР Тетово.
Тетовската полиција вчера бележи и пријава за физички напад помеѓу роднини поради нерасчистени имотно-правни односи. 71 годишник го пријавил 56 годишниот роднина дека го нападнал пред неговата куќа на улица „Љубо Божиновски-Пиш“ во Тетово.
