Секојдневни пријави од граѓани за каснувања од бездомни кучиња бележи СВР Тетово во деновите од викендот. Во текот на вчерашниот ден две лица пријавиле такво нешто, а во саботата имаше три случаи.
-Триесет и тригодишниот тетовец П.И. вчера 6 февруари во 12 часот во СВР Тетово пријавил дека на улица „Иво Лола Рибар“ во Тетово бил каснат од куче скитник. Вчера 6 февруари во 17 часот и 30 минути, 41-годишната С.Б. од тетовска Брвеница во СВР Тетово пријавила дека на улица „Страшо Пинџур“ во Тетово била касната од куче скитник, информира Марјан Јосифоски, портпарол на СВР Тетово.
Во текот на 2021 година СВР Тетово бележи 112 каснувања од кучиња во полошкиот регион, а повеќе од половина се на тетовското подрачје. Само во јануари и февруари има пријавено околу десетина вакви случаи.
ас
