Тетовската полиција информира дека вчера е пријавен физички напад поради нерасчистени имотно-правни односи, а друг случај поради претходни меѓусебни недоразбирања.
Вчеравечер (17 ноември) во 22 часот Х.М.(40) од Тетово пријавила дека пред угостителски објект на улица „Благоја Тоска“ во Тетово физички била нападната од 36-годишниот тетовец М.М, а поради нивни нерасчистени имотно-правни односи. Се преземаат мерки за целосно расчистување на случајот.
Четириесетгодишниот Б.С. од тетовското село Милетино, вчера (17 ноември) во СВР Тетово пријавил дека околу 20 часот и 20 минути физички бил нападнат од Е.И.(33) од истото село, поради нивни претходни меѓусебни недоразбирања. Случајот целосно е расчистен и против Е.И. ќе следува соодветен поднесок.
