СВР Тетово информира дека вчера (11 јули) во 1 часот и 30 минути, Б.З.(24) и нејзината сестра Е.З.(20) од Тетово во СВР Тетово пријавиле дека дваесетина минути пред тоа на улица „Радован Цониќ“ во Тетово физички биле нападнати од неколку женски лица. Се преземаат мерки за расчистување на случајот.
Полициски службеници на СВР Тетово, вчера (11 јули) во 18 часот го лишиле од слобода 35-годишник од Тетово кој претходно бил пријавен од 64-годишниот Х.В. од гостиварски Градец за „изнуда“, „лихварство“ и „загрозување на сигурноста“. Тој е задржан во Полициската станица Тетово за расчистување и документирање на случајот, информира СВР Тетово.
СВР Тетово соопшти дека 29 годишник од тетовско Камењане вчера (11 јули) во СВР Тетово пријавил дека ноќта (10/11 јули) во двор од фабрика во тетовско Долно Палчиште, сопственост на С.Х.(49) од Камењане, фрлено е стаклено шише со запалива течност кон паркирано моторно возило „мерцедес“ со тетовски регистарски ознаки. Според пријавеното, шишето не паднало во возилото и не предизвикувало пожар. Извршен е увид и се расчистува случајот.
Педесет и седумгодишната Г.В. од тетовска Вратница, вчера (11 јули) во 8 часот пријавила дека на улица „Гоце Делчев“ во Тетово била касната од куче скитник.
