Генералниот секретар на Движење Беса, Аријанит Хоџа на прес-конференција во партиското седиште оцени дека неговата партија и лидерот Биљал Касами ја добија градоначалничката функција.
-Од 80% од пребројани гласови, разликата е 5.500 гласови во корист на Беса. Во Тетово, разликата е огромна, победата е блиску до нас, бидејќи нема шанси таа разлика да се намали, останале уште неколку избирачки места што се во градот, по тоа што го добивме до сега 3 на 1 секаде резултатот така да оваа победа е победа на сите граѓани им се заблагодарив на сите тие што не поддржаа, изјави Аријанит Хоџа.
Тој оцени дека ДУИ не доби доволно гласови и покрај поддршката од другите партии.
-ДПА и Алтернатива не можеа да ја поддржат Теута Арифи и со нивна поддршка не успеа да добие резултат како што очекуваа. Победата на Тетово е многу важна за Беса, сега зборуваме за сосема нова визија, треба да се гради политичката сцена, Беса се враќа многу јако, за жал заради случувањата во Беса, треба да се вратиме на резултатот што го имавме во 2016-та година, но со победата во Тетово и Желино, ќе бидеме најголемиот конкурент на ДУИ и реално со овој ентузијазам што го гледаме, младите што се приклучени, може да победиме на парламентатните избори, истакна Хоџа.
Тој најави дека партијата ќе слави на плоштад во Тетово
