Здруженијата на граѓани кои дејствуваат во полето на унапредување на животот на лицата со хендикеп во Тетовско одржаа фокус група заедно со претставници на локалната самоуправа на која се дебатираше околу тоа колку и како општина Тетово ги имплементира насоките од конвенцијата за лицата со посебни потреби.
-Да видиме како локалната самоуправа ги третра лицата со посебни потреби . Тука се подразбира како се имплементира и конвенцијата на лицата со посебени потреби бидејќи ние сме потписници како држава и треба да се имплементира. Здруженија разни, експерти, професори и други лица дебатираме за проблематиките поради кои работите на одат напред, изјави Ифраим Љута од здружението Активен живот од Тетово.
Елена Кочовска од Полио плус-Движење против хендикеп рече дека средбата треба да претставува иницијална точка за препреките и потребите со кои се соочуваат и ги има заедницата со хендикеп во Тетово од друга страна и предизвиците со кои се соочуваат локалните самоуправи во насока на имплементирање на меѓународната конвенција во своите политики и стратегии.
– Ова конвенција е импелементациона. Тоа значи дека не генерира и не создава посебни права за лицата со хендикеп. Ова е имплементациона односно насочена концепција им дава стриктни насоки правила и принцип кои што мора секоја една држава да ги исполни за да можат граѓаните со хендикеп да ги остварат своите права. За разлика од останатите договори, оваа конвенција за прв пат прави симбиоза и спојување на граѓанските и политичките права со социјалните, културните права,рече Кочовска.
Конвенцијата за првата на лицата со хендикеп е донесена во рамки на Обединетите Нации од 2006 година. Македонија го има ратификувано во 2011 година.
