Денеска волонтери на општинска организација на Црвениот крст од Тетово го извршија неделното доставување на храна, хигиенски производи и лекови до лицата кои имаат побарано таква услуга од нив во изминатите четири дена од седмицата. Помош добиле вкупно девет лица.
-Од категоријата на стари и изнемоштени лица помош односно услуга да им се донесе храна, хигиенски производи и лекови имаат побарано две лица. На уште седум лица од повеќе места во Тетовско им е однесено таква помош, а станува за лица кои седат дома поради потребата од самоизолација, истакна Шкљќим Мурати, секретар во општинската организација.
Телефонскиот број на кој треба да се јават луѓето е 044-336-374 секој работен ден од 09:30 до 13:00 часот.
-Трошокот за набавката ќе биде на тие што ја бараат услугата, односно самите да обезбедат средства за купување на храна и лекови. Граѓаните ќе можат да ја најават потребата секој работен ден, а услугата – дистрибуцијата ќе биде достапна еднаш неделно во петок, од 10:00 до 13:00 часот, рече Мурати.
А.С
