Денес во седум часот Ковид центарот во Тетово евидентира најлоши 24 часа во текот на пандемијата со најмногу девет починати и 18 хоспитализирани, а поради сериозни компликации од веќе хронични болести пациенти со коронавирус биле однесени и во Скопје.
-За 24 часа сме имале 209 амбулантски прегледи што укажува дека се уште ќе има нови хоспитализации за жал. 124 хоспитализирани пациенти има во моментот од кои 18 пациенти се нови, како максимум во цела пандемија. Починатите се сите над 65 години, со коморбидитети. Друг проблем имаме ситуации каде има пациенти со ковид али примарно ние е болести на срцето и други органи, за кои ние моравме да се консултираме во Скопје и вчера имавме транспорт на три пациенти во болницата „8-ми Септември“, вели Д-р Гзим Нуредини од Ковид центарот.
Секојдневните приеми но и пациенти кои на пример се три недели на лекување во болница уште повеќе ја комплицира состојбата во тетовската болница. Сите пациенти имаат други сериозни болести, за кои што требаат добри специјалисти да се третираат.
-Секој ден одиме нагоре со бројките. Ако нема отворена врата од Скопје сами ќе се организираме. Но не е суштина во кревети, не може цела болница да ја блокираме. Имаме инфаркти секој ден, имаме крварење во желудникот и тие ни се потенцијали за умирање. Во хирургија има повредени и не може да се земат сите анестезиолози. Нормално дека ние имаме капацитети, ама не би сакале, немаме намера да се прошириме, ќе видиме ќе биде полошо за тие што се веќе хоспитализирани, па некако да видиме со Скопје да ни отворат врата за може полесно да ги третираме овие што ги имаме, објаснува Д-р Нуредини.
Меѓу 124 хоспитализирани има младо лице на 31 години со прекумерна телесна тежина, а 47 годишно лице е без коморбидитети и е во добра состојба и може да се пушти дома. Од 124 пациенти во болницата околу 90 отсто не се вакцинирани односно 13 имаат примено само една доза доза, три пациенти со две дози.
А.С
