Тетовската полиција вчера за три часа добила дури десет пријави за оштетени возила на две фрекфрентни сообраќајници. Сите возила биле паркирани и претежно биле оштетени кај ретровизорите.
-Во периодот од 10 часот и 40 минути до 13 часот и 15 минути во СВР Тетово пријавено е оштетување на дессет патнички моторни возила со тетовски регистарски ознаки, од различни марки, од кои 8 биле паркирани на улица „Борис Кидрич“, а две на улицата „Маршал Тито“ во Тетово. На осум од возилата им биле оштетени (скршени) ретровизорите, на едно ретровизор и совозачко стакло, а на едно десното крило, информира Марјан Јосифоски, портпарол на СВР Тетово.
Сите оштетувања се фотодокументирани и се преземаат мерки за расчистување на случајот.
