Новоформираното Здружение на дијабетичари „Дијабет Полог“ од Тетово денес реализираше хуманитарна акција и донираше пакети со храна во Дневниот центар за лица со посебни потреби. Поводот е 14 ноември денот кога се одбележува светскиот ден на дијабетесот.
-Со оваа акција и други активности сакаме да ги запознаеме нашите сограѓани со работата на нашето Здружение. Воедно да пренесеме информации и податоци, да едуцираме за дијабетот со оглед дека бројките на нови дијабетичари секојдневно се зголемува. Во поширокото тетовско подрачје сега има веќе 7200 евидентирани дијабетичари, а сметаме дека има и многу кои не се регистирани. Од нив 4200 се на инсулинска терапија, а меѓу дијабетичарите 50 се деца, изјави Клара Сандев, претседателка на Здружението „Дијабет Полог“.
Здружението брои 500 членови, а досега се одржани неколку предавања за дијабет и акции и за мерење на шеќерот во крвта.
