Тетовскиот интернационален филмски фестивал „ОДА“ вечерва се затвора со прикажување на македонскиот кандидат за Оскар, документарниот филм “Медена земја”. Почетокот на проекцијата е предвидена за во 19 часот во Центарот за култура во Тетово, а стручното жири ќе ги прогласи и победниците во натпреварувачката категорија на балкански филмови.
На овогодинешното осмо издание на Тетовскиот интернационален филмски фестивал „ОДА“ кој се одржуваше од 7 октомври беа прикажани вкупно 105 филмови.
Филмовите беа поделени во повеќе категории-детска панорама, балканска натпреварувачка панорама, специјални проекции, кратки филмови, кратки анимирани филмови, победничка панорама-за студенти и европски филмови. Во европските филмови се застапени сите земји од континентот.
За учество на фестивалот аплицирале 3963 филмови од 120 земји.
